ස්වදේශික හඩ ජනමත විචාරණයේදී ඡන්දය භාවිත කිරීම සඳහා ලියාපදිංචි වීමට ඔස්ට්‍රේලියානුවන්ට ලබාදී ඇති කාලය අද එනම් සැප්තැම්බර් 18 වනදායින් අවසන් වනවා.
අද රාත්‍රී 08 තෙක් ඒ සඳහා කාලය පවතින අතර මැතිවරණ කොමිසමේ නිල වෙබ් අඩවියට පිවිස තම තොරතුරු යාවත්කාලීන කරන ලෙසයි ඉල්ලීමක් කෙරෙන්නේ.
තැපැල් ඡන්ද අයදුම්පත් භාර ගැනීම ලබන මස 11 වනදා දක්වා සිදුකෙරන බවයි මැතිවරණ කොමිසම දන්වා සිටින්නේ.
ප්‍රාන්ත වශයෙන් පූර්ව ඡන්ද ප්‍රකාශ කිරීම ලබන මස 02 සහ 03 දිනවලදි ආරම්භ කිරීමට නියමිතයි.
ස්වදේශික හඩ ජනමත විචාරණයේ ඡන්ද විමසීම පැවැත්වෙන්නේ ඔක්තෝබර් 14 වන සෙනසුරාදා දිනයේදීයි.
