ආබාධයකට ලක්ව සිටින ශ්‍රී ලංකා ක්‍රිකට් කණ්ඩායමේ දඟ පන්දු යවන ක්‍රීඩක මහීෂ් තීක්ෂණට ආසියානු කුසලානයේ අවසන් මහා තරගයට ක්‍රීඩා කිරීමේ අවස්ථාවේ අහිමිවන බව ශ්‍රී ලංකා ක්‍රිකට් ආයතනය පවසයි.
ශ්‍රී ලංකා ක්‍රිකට් ආයතනය සඳහන් කළේ, මහීෂ් වෙනුවට සහන් ආරච්චිගේ කණ්ඩායමට කැඳවා ඇති බවයි.
පකිස්ථානය සමග පැවති තරගයේදී මහීෂ් ආබාධයකට ලක්විය.
පන්දු රකිමින් සිටි තීක්ෂණගේ දකුණු කලව ඇදීමකට ලක්වීමෙන් මෙලෙස අබාධයට ලක්ව ඇත.
ආසියානු කුසලානයේ ශ්‍රී ලංකාව සහ ඉන්දියාව අතර අවසන් මහා තරගය හෙට(17) කොළඹ, ආර්. ප්‍රේමදාස ක්‍රීඩාංගණයේදී පැවැත්වේ.
