ටස්මේනියා වැඩිහිටි – aged care නේවාසිකයන්ට ඖෂධ නිර්දේශ කිරීමට ඖෂධවේදීන්ට අවස්ථාව

ටස්මේනියා ප්‍රාන්තයේ නාගරික නොවන ප්‍රදේශවල වෙසෙන වැඩිහිටි මෙන්ම aged care මධ්‍යස්ථානවල නේවාසිකයන් සඳහා ඖෂධ නිර්දේශ කිරීමට ඖෂධවේදීන්හට අවස්ථාව ලබා දී තිබෙනවා.

ඔස්ටේ්‍රලියාව තුළ එවැනි අවස්ථාවක් ක්‍රියාත්මක කෙරෙන පළමු අවස්ථාව මෙය වන අතර regional ප්‍රදේශ වල වෙසෙන ජනතාවගේ සෞඛ්‍ය සේවා වැඩිදියුණු කිරීම මෙහි ප්‍රධාන අරමුණ වී තිබෙනවා.

රෝගීන්ගේ ගමනාගමන වියදම් මෙන්ම වෛද්‍යවරුන් හමුවීමට යන කාලයද ඒ හරහා අවම වනු ඇති.

ඖෂධවේදීන් සඳහා සාමාන්‍ය වෛද්‍යවරුන්ගේ බලතල ලබා දෙන්නැයි දීර්ඝ කාලයක සිට කරනු ලබන ඉල්ලීම් සඳහාද මෙමගින් විසඳුම් හිමිවන බවයි සෞඛ්‍ය බලධාරීන් පෙන්වා දෙන්නේ.

කෙසේවෙතත් මෙහිදී අවසර දී ඇත්තේ බරපතල නොවන රෝග සදහා ප්‍රතිජීවක ඖෂධ නිර්දේශ කිරීමට පමණයි.

පහසුකම් අවම ටස්මේනියා ප්‍රාන්තයේ ග්‍රාමීය ප්‍රදේශවල වෙසෙන ජනතාවට ඖෂධවේදීන් මගින් වෛද්‍ය සේවා ලබා දීම සම්බන්ධයෙන් සෞඛ්‍ය සංගම් ද ප්‍රසාදය පල කර තිබෙනවා.

එමගින් දේශීය වෛද්‍යවරුන් සහ ඖෂධවේදීන් අතර සමීප සම්බන්ධතාවක් ගොඩනගමින් ගුණාත්මක සෞඛ්‍ය සේවාවක් ගොඩනැගීමට හැකියාව ලැබෙනවා.

කෙසේ වෙතත් වෛද්‍යවරුන් නිර්දේශ කරනු ලබන මාත්‍රා වෙනස් කිරීමට හෝ බරපතල රෝග සම්බන්ධව ඖෂධ නිර්දේශ කිරීමට ඖෂධවේදීන් හට අවස්ථාව ලබා දීම සම්බන්ධව තවමත් එකගතාවයකට පැමිණ නැහැ.

ඇමරිකා ඩොලරයට සාපේක්ෂව ශ්‍රී ලංකා රුපියලේ වෙනසක්

පසුගිය කාර්තුව පුරාවට එක්සත් ජනපද ඩොලරය හමුවේ ශ්‍රී ලංකා රුපියල අඛණ්ඩ අතිප්‍රමාණය වීමක් පෙන්නුම් කළ ද එම ප්‍රවණතාවය යම්තාක් දුරකට වෙනස් වී තිබෙනවා.

Read More »

මෙල්බන් කාය වර්ධන තරගාවලියකින් ශ්‍රී ලාංකිකයෙක් පළමු තැනට

කාය වර්ධන ජාත්‍යන්තර සම්මේලනයේ IFBB Pro League Melbourne තරඟාවලියෙන් ශූරතාවය හිමිකර ගැනීමට ශ්‍රී ලංකික සිසුවෙක් වන ලක්රුවන් බණ්ඩාර සමත්වී තිබෙනවා.

Read More »

බාලි වෙත යන ඔස්ට්‍රේලියානුවන්ට ශ්‍රී ලංකාව ගැනත් සිහි කරමින් අනතුරු ඇඟවීමක්

සංචාරකයින් අතර ඩෙංගු උණ පැතිර යාමේ වර්ධනයක් පැවතීම හේතුවෙන් ඩෙංගු පිළිබඳ අවධානයෙන් පසුවන ලෙසට ඉන්දුනීසියාවේ බාලි වෙත යාමට සැලසුම් කර ඇති ඔස්ට්‍රේලියානුවන්ගෙන් සෞඛ්‍ය අංශ ඉල්ලීමක් කරනවා.

Read More »

ඔස්ට්‍රේලියානු කම්කරුවන්ට පඩිත් එක්ක වැඩි වැටුප් ගන්න නව යෝජනාවක්

ඔස්ට්‍රේලියානු කම්කරුවන්ට අර්ධ වැටුප් යටතේ වැඩි නිවාඩු ලබා ගැනීමට හැකි නව යෝජනාවක් ඔම්බුට්ස්මන් කාර්යාලය වෙත ඉදිරිපත් කර තිබෙනවා.

Read More »