ක්වන්ටාස් සමාගමට තවත් ප්‍රබල අවාසි සහගත තී්රණයක් ඔස්ට්‍රේලියානු පාරිභෝගික කොමිසම විසින් ගෙන තිබෙනවා.
ඒ අනුව චීන රාජ්‍ය හිමිකාරීත්වය සහිත China Eastern ගුවන් සේවය සමග පැවති දීර්ඝ කාලීන සහයෝගීතාවය ලබන වසරේ මාර්තු මාසයෙන් පසු තවදුරටත් පවත්වාගෙන යෑම දීර්ඝ නොකිරීමටයි නියම කර ඇත්තේ.
ඔස්ට්‍රේලියාව සහ චීනය අතර ඒකාබද්ධ ගුවන් ගමන් සිදුකිරීම සඳහා පැවති මෙම ගිවිසුම හරහා ගුවන් ගමන් ගාස්තු අසීමිත ලෙස ඉහළ යා හැකි බවට පාරිභෝගික කොමිසම නිගමනය කර තිබෙනවා.
2015 වසරේදී පළමු වරට ඇතිකරගත් මෙම ගිවිසුම 2021 වසරේදී නැවතත් දීර්ඝ කරනු ලැබුවා.
කෙසේවෙතත් දැනට සිඩ්නි සහ ෂැංහයි අතර සෘජු ගුවන් ගමන් ක්‍රියාත්මක කරන එකම ගුවන් සේවය China Eastern බැවින් ඔවුන් සතු ඒකාධිකාරිය සැළකිල්ලට ගෙනයි පාරිභෝගික කොමිසම මෙම තීරණයට එළැඹී ඇත්තේ.
ලබන 06 වනදාට පෙර මේ සම්බන්ධයෙන් ස්ථාවරය දක්වන ලෙස අදාළ ගුවන් සමාගම් වෙත පාරිභෝගික කොමිසම විසින් නියම කර තිබෙනවා.
