ගිණිකොණ සහ නැගෙනහිර ප්‍රාන්තවල උෂ්ණත්වයේ ඉහළයාමක් අද සිට අපේක්ෂා කෙරෙන බව කාළගුණ විද්‍යා කාර්යාංශය පවසනවා.
ඒ අනුව සෙල්සියස් අංශක 04 ත් 08 ත් අතර අගයකින් උණුසුම ඉහළ යා හැකි බවටයි පුරෝකථනය කර ඇත්තේ.
කෙසේවෙතත් ලබන සතිය වනවිට ඇතැම්විට නිවු සවුත් වේල්ස් හි සාමාන්‍ය උෂ්ණත්වය අංශක 10 ත් 15 ත් අතර අගයකින් වැඩිවිය හැකි බවටද අනාවැකි පළවනවා.
ඒ අනුව හෙට සිට සතියක පමණ කාලයක් සිඩ්නි නගරයේ උෂ්ණත්වය සෙල්සියස් අංශක 30 ත් 36 ත් අතර අගයක පැවතිය හැකියි.
42,000 කට ආසන්න පිරිසක් සහභාගී වීමට නියමිත ලබන ඉරිදා පැවැත්වෙන සිඩ්නි මැරතන් තරගයටද අධික උණුසුම බලපෑම් කරනු ඇති බවටද අනතුරු අගවා තිබෙනවා.
