වසරක කාලයක් තුළදී ජනගහණයේ වැඩිම ඉහළයාම සටහන් වූ ප්‍රාන්තය බවට වික්ටෝරියා පත්වී තිබෙනවා.
ප්‍රාන්තයට පැමිණි පිරිස – ප්‍රාන්තයෙන් පිටත්ව ගිය පිරිස – දළ උපත් සහ මරණ සංඛ්‍යා සැළකිල්ලට ගෙන පසුගිය මාර්තු 31 වනදා දක්වා වකවානුවට අදාළව සංඛ්‍යාලේඛණ කාර්යාංශය නිකුත් කල දත්තවලයි ඒ බව දැක්වෙන්නේ.
දෙවන ස්ථානයට නිවු සවුත් වේල්ස් ප්‍රාන්තයත් 03 වන ස්ථානයට ක්වීන්ස්ලන්ඩ් ප්‍රාන්තයත් පත්වී තිබෙනවා.
කෙසේවෙතත් ප්‍රතිශතයක් ලෙස ජනගහණයේ වැඩිම ඉහළයාම සටන්වූ ප්‍රාන්තය වන්නේ බටහිර ඔස්ට්‍රේලියාව යි.
අදාළ මාස 12 තුළදී මෙරටට සංක්‍රමණය වී ඇති සංඛ්‍යාව 681,000 ක් වන අතර එය පෙර වසරට වඩා දෙගුණයක පමණ වැඩිවීමක් ද වනවා.
දැනට මෙරට උපත් අනුපාතිනය සියයට 3.4 ක් ලෙසද මරණ අනුපාතිකය සියයට 7.9 ක් ලෙසද සටහන්ව පවතිනවා.
භූමි ප්‍රමාණයෙන් ලොව 06 වන විශාලතම රාජ්‍යය ඔස්ට්‍රේලියාව වුවද ජනගහණය අනුව එය පසුවන්නේ 55 වන ස්ථානයේයි.
එමෙන්ම ජන ඝණත්වය එනම් වර්ග කිලෝමීටරයකට සිටින පුද්ගලයන් සංඛ්‍යාව සළකා බැලීමේදී ඊට හිමිවන්නේ අවසාන ස්ථානයේ සිට 04 වන තැනයි.
