අන්තර්ජාල භාණ්ඩ බෙදා හැරීමේ ප්‍රමුඛතම සමාගමක් වන ඇමසන් ආයතනය එළඹෙන උත්සව සමය මුලකරගනිමින් ඔස්ට්‍රේලියාව තුළ නව බඳවා ගැනීම් 1000 ක් සිදුකිරීමට පියවර ගෙන තිබෙනවා.
උත්සව සමය තුළ අවහිරයකින් තොරව සැපයුම් මධ්‍යස්ථානවල බෙදා හැරීම් කාර්යක්ෂම කිරිම මෙහි අරමුණයි.
ඒ අනුව සිඩ්නි, මෙල්බන්, පර්ත්, බ්‍රිස්බන්, ඇඩිලේඩ්, නිව්කාසල් සහ ගෝල්ඩ් කෝස්ට් නගරවල වෙසෙන පුද්ගලයින්ට මෙම නව රැකියා අවස්ථා සඳහා අයදුම්පත් මේ දිනවල යොමු කල හැකියි.
ඇමසන් ආයතනය සඳහන් කළේ ග්‍රීෂ්ම සෘතු නිවාඩුවේදී කාර්යක්ෂමව සේවය කල හැකි පාසල් සිසුන්ට මෙන්ම විශ්‍රාමිකයින්ට ද මේ සදහා ඉල්ලූම් කිරීමට අවස්ථාව හිමි වන බවයි.
එමගින් පුද්ගලයින් සදහා අමතර ආදායමක් ඉපයීමට හැකිවන බවයි ඔහු වැඩිදුරටත් සදහන් කර ඇත්තේ.
මේ වන විට ඇමසන් ඕස්ට්‍රේලියාහි සේවය කරන පිරිස 7000 ඉක්මවා ඇති අතර පසුගිය වසර තුළ දී පමණක් රියදුරන් 2000ක් පමණ අලුතින් බඳවාගෙන ඇති බවයි වාර්තා වන්නේ.
