ජීවන වියදම හමුවේ පීඩා විඳින අඩු ආදායම්ලාභී ඕස්ට්‍රේලියානුවන්ගෙන් අයකෙරෙනු ලබන වියදම්, ධනවත් පුද්ගලයින්ට සාපේක්ෂව ඉහළ අගයක පවතින බවට හඳුනාගෙන තිබෙනවා.
මෙම තත්වය සදහා මූලිකවම බලපා ඇත්තේ තොග වශයෙන් සුපිරි වෙළෙදසැල් මගින් භාණ්ඩ හා සේවා ලබා ගැනීමට අඩු ආදායම්ලාභීන් හට හැකියාව නොමැති කමයි.
මේ අතර අඩු ආදායම් ලාභීන්ට ප්‍රවාහනය, බලශක්තිය සහ ණය සදහා විශාල මුදලක් ගෙවීමට සිදුවන බවද සොයාගෙන තිබෙනවා.
භාණ්ඩ හා සේවා මිළදී ගැනීමේදී හඳුන්වා දී ඇති දරිද්‍රතා රක්ෂණ වාරිකය අඩු ආදායම්ලාභීන්ට අමතර වැය බරක් බවයි සමීක්ෂකයින් පෙන්වා දෙන්නේ.
එමගින් ඉන්ධන සඳහා සියයට 10 ක් ද, ණය සඳහා සියයට 45 ක් ද, සිල්ලර බඩු සඳහා සියයට 93 ක් ද, දුරකථන සබදතා සඳහා සියයට 142 කින් වැඩි මුදලක් අඩු ආදායම්ලාභීන් හට වැය වන බවයි වාර්තා වන්නේ.
විචාරකයින් පෙන්වා දෙන්නේ අඩු ආදායම් ලාභීන් සදහා දරිද්‍රතා රක්ෂණ වාරිකයක් හදුන්වාදිමට වඩා විකල්ප විසදුම් හදුන්වාදීම මගින් ජීවන වියදම අවම කරගත හැකි බවයි.
විශේෂයෙන් රක්ෂණ සහ බලශක්ති ඉල්ලූම් සදහා ප්‍රමුඛත්වය ලබා දිය යුතු බවද වැඩිදුරටත් සදහන්.
