තමා විසින් සිය බිරිඳ ඝාතනය කළ බවට පාපොච්චාරණය කළ ශ්‍රී ලාංකිකයෙක් ට එරෙහිව චෝදනා ගොනු කිරීමට සිංගප්පුරු පොලීසිය අද (11) පියවර ගත්තේය.
එම ඝාතනය සිකුරාදා (09) උදෑසන 10.45ත් සවස 4.42ත් අතර සිදුකර ඇති බව සඳහන් ය.
සැකකරුව අධිකරණයට ඉදිරිපත්කර ඇති අතර එහිදී ඔහුව සතියක් බන්ධනාගාරගත කිරීමට නියෝග කෙරිණි.
චැනල් නිව්ස් ඒසියා වෙබ් අඩවිය වාර්තා කර ඇත්තේ 30 හැවිරිදි පුද්ගලයා සිය බිරිඳ කැටොන්ග් නම් ප්‍රදේශයේ පිහිටි හෝටලයක් තුළදී ඝාතනය කර ඇති බවයි.
ඝාතනය සිදු කිරීමෙන් අනතුරුව සැකකරු පොලීසියට භාරවී ඇති අතර පසුව පොලිස් කණ්ඩායමක් අදාළ හෝටලයේ කාමරයක තිබී 32 හැවිරිදි කාන්තාවගේ සිරුර සොයාගෙන තිබුණි.
මෙම ඝාතනයට වැරදිකරු වුවහොත් සැකකරුට මරණ දණ්ඩනය හිමිවන බව අදාළ වෙබ් අඩවිය වාර්තා කළේය.
