මොරොක්කෝ රාජ්‍යයේ හටගත් රික්ටර් මාපක 6.8 ක ප්‍රබල භූමිකම්පාවක් හේතුවෙන් පුද්ගලයන් 300 කට ආසන්න පිරිසක් ජීවිතක්ෂයට පත්ව තිබෙනවා.
විදෙස් මාධ්‍යය වාර්තා කලේ තවත් පුද්ගලයන් 153 දෙනෙකු තුවාල ලබා ඇති බවයි.
මොරොක්කෝවේ මරාකේෂ් නගරයේ සිට නිරිත දෙසින් කිලෝමීටර් 71 ක් ඔබ්බෙන් වූ හයි ඇට්ලස් කඳුකරයේ, කිලෝමීටර් 18.5 ක් පොළව අභ්‍යන්තරයේ මෙම කම්පනය ඇති වූ බව එක්සත් ජනපද භූ විද්‍යා සමීක්ෂණ ආයතනය පවසනවා.
භූමිකම්පාවෙන් ්ප්‍රදේශ රැසකට බලපෑම් එල්ල වී තිබෙනවා.
ඇට්ලස් කඳුකරයේ ඇති වූ භූ කම්පනය කිලෝමීටර් 350 ක් පමණ දුරින් පිහිටි රබාත් අගනුවරට මෙන්ම කැසබ්ලැන්කා සහ එසවුරා නගර වෙත ද දැනී ඇති බව වාර්තා වනවා.
