Square අන්තර් ජාල ගෙවීම් පද්ධතියේ ඇනහිටීමක් හේතුවෙන් එහි සේවා කටයුතු වලට බාධා මතුව තිබෙනවා.
මේ හේතුවෙන් ඩොලර් සිය ගණනක විකුණුම් මේ වන විට අහිමි වී ඇති අතර ජාත්‍යන්තර වෙළෙඳපලටද බාධා මතුව ඇති බවයි එහි පාලනාධිකාරිය මාධ්‍ය වෙත සදහන් කර ඇත්තේ.
දින තුනක් පුරා පද්ධතියේ පැවති දෝෂයන් මේ වන විට සමනය කිරීමට එහි තාක්ෂණික අංශ පියවර ගෙන තිබෙනවා.
කුඩා ව්‍යාපාර වල ප්‍රධාන ගෙවුම් ජාලයක් වන Square ගෙවුම් පද්ධතිය බිදවැටීම තම ව්‍යාපාර වලට දැඩි බලපෑම් එක්කල බවයි ව්‍යාපාරකයින් පෙන්වා දෙන්නේ.
පාරිභෝගිකයින්ගෙන් සියයට 80ක් පමණ ගණුදෙනු සදහා ගෙවුම් කාඩ්පත් භාවිත කරන අතර Square පද්ධතියේ වූ දෝෂ මත කාඩ්පත් මගින් නිසි පරිදි ව්‍යාපාර වෙත මුදල් නොලැබුණු බව ව්‍යාපාරිකයින් පවසනවා.
මේ හේතුවෙන් පාරිභෝගිකයින් හට මුදලින් මුදල් ගෙවීමට සිදු කරන ලෙස පැවසීම ගැටලු සහගත බවයි කුඩා ව්‍යාපාරිකයින් පවසන්නේ.
කෙසේ වෙතත් Square සමාගම පවසන්නේ සේවා පද්ධතිය නිසි පරිදි යාවත්කාලින කිරීම් මේ වන විට සිදුවෙමින් පවතින බවයි.
