වැටුප් නොගෙවූ නැවට එරෙහිව Fair work ඔම්බුඩ්ස්මන් විසින්ද විමර්ශනයක්

කාර්ය මණ්ඩලයට නිසි පරිදි වැටුප් නොගෙවීම සම්බන්ධ චෝදනා මත ඔස්ට්‍රේලියාවට ඔබ්බෙන් වන මුහුදු තීරයේ දී අත්අඩංගුවට ගත් සුඛෝපභෝගී නෞකාවක් වන MS Caledonian Sky සම්බන්ධයෙන් Fair work ඔම්බුඩ්ස්මන් කාර්යාලය විසින්ද විමර්ශනයක් ආරම්භ කර තිබෙනවා.

ඒ ෆෙඩරල් අධිකරණයක් හමුවේ විභාග වන නඩු කටයුත්තට අමතරවයි.

මාස හයක කාලයක් තුළ කාර්ය මණ්ඩලය සදහා ගිවිසුම් ගත වැටුප නොගෙවු බවට ජාත්‍යන්තර ගමනාගමන සංගමයක් විසින් Fair work ඔම්බුඩ්ස්මන්වරයා වෙත පැමිණිලි කර තිබෙනවා.

කෙසේ වෙතත් එම චෝදනාව නෞකා බලධාරීන් විසින් ප්‍රතික්ශේප කර ඇති බව සඳහන්.

MS Caledonian Sky නෞකාව මේ වන විට බෲම් වරායේ සිට නාවික සැතපුම් 12 ක් එපිටින් නැංගුරම් ලා තිබෙනවා.

නීතිමය කටයුතු අවසන් වන තෙක් අවශ්‍ය නම් නෞකාවේ කාර්ය මණ්ඩලයට දින භාගයක නිවාඩුවට ගොඩබිමට පැමිණිමට අවස්ථාව හිමිව තිබෙනවා.

නෞකාව සම්බන්ධව කඩිනමින් මෙම විමර්ශණ අවසන් කිරීමට නියමිත අතර මෙම වසර අවසානයේ MS Caledonian Sky නෞකාව වෙනත් සමාගමකට විකිනිමට ද නියමිතයි.

මහ සයුර මැද අසාධ්‍ය වූ ධීවරයා බේරා ගත් හෙලිකොප්ටර් මෙහෙයුම

ධීවර කටයුතුවල නිරත වෙමින් සිටියදී සාගරයේ සිටින සර්ප විශේෂයක දෂ්ඨනයක් හේතුවෙන් අසාධ්‍ය තත්වයට පත්වූ ධීවරයෙකු ප්‍රතිකාර සඳහා හෙලිකොප්ටර් මගින් ගොඩබිම වෙත රැගෙන විත් තිබෙනවා.

Read More »

වික්ටෝරියා ප්‍රාන්තයට ගේන්න ගිය මුදල් තොගය මග නතර වෙයි

ගෝල්ඩ් කෝස්ට් සිට මිල්ජුරා (Mildura) දක්වා ගමන් කිරීමට නියමිතව තිබූ ගුවන් යානයකට ඩොලර් 830,000ක මුදල් රැගෙන යාමට උත්සාහ කළ බව කියන පුද්ගලයෙක් ආරක්ෂක අංශ විසින් අත්අඩංගුවට ගෙන තිබෙනවා.

Read More »