ස්වදේශික හඩ ජනමත විචාරණයට අදාළ තැපැල් ඡන්ද අයදුම්පත් නිවාස වෙත යොමු කිරීම ආරම්භ කර තිබෙනවා.
කෙසේවෙතත් මෙලෙස යොමු කර ඇත්තේ ඔස්ට්‍රේලියානු මැතිවරණ කොමිසම විසින් යොමු කරන අයදුම්පත් නොවීමද විශේෂත්වයක්.
දේශපාලන පක්ෂ සහ වෙනත් කණ්ඩායම් විසින් යොමු කර ඇති තැපැල් ඡන්ද අයදුම්පත් මෙලෙස නිවාස වෙත ලැබී ඇති බව සඳහන්.
ඔස්ට්‍රේලියානු නීතියට අනුව එවැනි අයදුම්පත් වලංගු ලෙස පිළිගැණුනද මැතිවරණ කොමිසම ඉල්ලා සිටින්නේ සිය නිල වෙබ් අඩවියට පිවිස තැපැල් ඡන්ද සඳහා අයදුම් කරන ලෙසයි.
ජනමත විචාරණය පැවැත්වෙන ඔක්තෝබර් 14 වනදාට සති 02 පෙර තැපැල් ඡන්ද අයදුම්පත් භාර ගැනීම අවසන් වනවා.
සළකුණු කරන ලද තැපැල් ඡන්ද අයදුම්පත් එවිය යුතු අවසාන දිනය වන්නේ ඔක්තෝබර් 11 වනදායි.
