කැළෑ බළලුන් ඇතුලූ ආක්‍රමණශීලි සත්ව විශේෂවල ක්‍රියාකාරකම් හේතුවෙන් ඔස්ට්‍රේලියාවට වාර්ෂිකව ඩොලර් බිලියන 25 ක පමණ පාඩු සිදුවන බව නවතම වාර්තාවකින් හෙළිවී තිබෙනවා.
ආක්‍රමණශීලී සත්ව විශේෂ 3,000 කට ආසන්න සංඛ්‍යාවක් ඔස්ට්‍රේලියාව තුල වාසය කරන බවටයි ඇස්තමේන්තු කර ඇත්තේ.
2021 වසරේදී කැළෑ බළලුන්ගෙන් පමණක් සිදුව ඇති පාඩුව ඩොලර් බිලියන 19 ක්.
මෙම සමීක්ෂණයේදී හෙළිවී ඇත්තේ ආක්‍රමණශිලි සත්ව විශේෂ හේතුවෙන් 2019 වසරේදි පමණක් රටවල් 143 කට සිදුව ඇති සමස්ථ වියදම ඩොලර් බිලියන 432 ක් බවයි.
මෙම තත්වය සෑම දශකයක් තුලම සිව් ගුණයකින් වර්ධනය විය හැකි බවටයි පුරෝකථනය කර ඇත්තේ.
සමස්ථ හානියෙන් සියයට 06 ක බලපෑමක් ඔස්ට්‍රේලියාවට සිදුව තිබෙනවා.
කැළෑ බළලුන්ට අමතරව කැලෑ හාවන් සහ රතු කුහුඹීන්ගෙන් වන බලපෑමද ඉහළ ගොස් ඇති බවයි වාර්තා වන්නේ.
පසුගිය වසර 60 ක කාලය තුළ ආක්‍රමණශීලි සත්ව විශේෂ හේතුවෙන් රටට පාඩු වු මුදල ඩොලර් බිලියන 390 ක්.
