ගර්භනී සමය තුල ගැබිණි මව්වරුන් මත්පැන් පානය නොකල යුතු බවට ඔස්ට්‍රේලියානුවන් අතුරින් සියයට 91 ක් අදහස් පළ කර තිබෙනවා.
අවුරුදු 18 ත් 44 ත් අතර පසුවන කාන්තාවන් අතුරින් සියයට 94 ක් එම ස්ථාවරයෙහි පසුවන බවයි මෑතකදී සිදුකර ඇති සමීක්ෂණයකදී හෙළිවී ඇත්තේ.
2019 වසරේ මෙම අගය සියයට 76 ක් වූ අතර 2022 වසරේ එම අගය සටහන්ව තිබුණේ සියයට 82 ක් ලෙසයි.
සමීක්ෂණයට එක් වූ ගර්භණී කාන්තාවන් අතුරින් සියයට 51 ක් පවසා ඇත්තේ තමන් මත්පැන් පානය නතර කරන බවයි.
ඇල්කොහොල් නොමැති පාන වෙත යොමුවන බවට සියයට 41 ක් පවසා තිබෙනවා.
ගර්භනී සමය තුල කාන්තාවන් මත්පැන් සදහා යොමුවන්නේ නම් වැඩෙන දරුවාගේ මොළය ඇතුළු ස්නායු පද්ධතියට සහ පෝෂණයට ද බලපෑම් එල්ල වන බවයි වෛද්‍යවරුන් පෙන්වා දී ඇත්තේ.
සෞඛ්‍ය සංවිධාන මව්වරුන්ගෙන් ඉල්ලා සිටියේ ළදරුවෙකු අපේක්ෂා කරන දින සිට ගර්භනී සමය තුල සහ ප්‍රසූතියෙන් පසු මව්කිරි දෙන අතරතුර මත්පැන් වලින් සම්පූර්ණයෙන්ම වළකින ලෙසටයි.
බොහෝ ගර්භනී මව්වරුන් මේ සම්බන්ධව නොදැනුවත්කම හේතුවෙන් කළල වලට බලපෑම් ඇතිවන බවයි වෛද්‍යවරුන් අවධානය කර ඇත්තේ.
