අන්තර්ජාලය හරහා ඔස්ට්‍රේලියානු යෞවන යෞවනියන් විවිධ අපචාර සඳහා යොදාගැනීමේ සිදුවීම් කැපී පෙනෙන ලෙස ඉහළ ගොස් තිබෙනවා.
ලිංගික අපහරණ සඳහා භාවිත කිරීම්වල සීඝ්‍ර වර්ධනයක්ද එහිදී පෙන්නුම් කෙරෙන බවයි වෙස්ට්පැක් බැංකුව නිකුත් කර ඇති වාර්තාවක දැක්වෙන්නේ.
අවුරුදු 18 ට අඩු පිරිස වංචාවලට ගොදුරුවීම පෙර වසරට වඩා 04 ගුණයකින්ද – අවුරුදු 30 ට වඩා අඩු අය එලෙස ගොදුරුවීම් දෙගුණයකින්ද වැඩිවී ඇති බවටයි අනාවරණය වන්නේ.
සමාජ ජාල හරහා හඳුනාගන්නා ඇතැමුන් තර්ජනය කර මුදල් ලබාගැනීමට තැත් කිරීම් මෙහිදී බහුලවම දක්නට ඇති කරුණක් බව සඳහන්.
නාඳුනන පිරිස් සමග ගණුදෙනු කිරීමේදී අවධානයෙන් පසුවන ලෙසටයි ඔස්ට්‍රේලියානු යෞවන යෞවනියන්ගෙන් ඉල්ලීමක් කෙරෙන්නේ.
