ලබන ඔක්තෝබර් 14 වනදා පැවැත්වෙන ස්වදේශික හඩ ජනමත විචාරණය පරාජයට පත්වුවහොත් සිය පාලනයක් යටතේ නැවතත් එවැනිම ජනමත විචාරණයක් පවත්වන බවට විපක්ෂ නායක පීටර් ඩට්න් සහතික වනවා.
වත්මන් ජනමත විචාරණයේ අරමුණු හමුවේ ඔස්ටේ්‍රලියානුවන් දෙපිළකට බෙදී ඇති බවයි ඔහු පෙන්වා දෙන්නේ.
කෙසේවෙතත් සිය පාලනයක් යටතේ සියල්ලන්ට එකගවිය හැකි යෝජනාවක් ගෙනවිත් සම්මත කර ස්වදේශික ජනතාවට සැබෑ අයිතිවාසිකම් හිමිකර දෙන බවටද විපක්ෂ නායකවරයා ප්‍රතිඥා දෙනවා.
වත්මන් ලේබර් පක්ෂය ඉදිරිපත් කර ඇති ජනමත විචාරණයේදී ඊට විරුද්ධව ඡන්දය දීමටයි ලිබරල් සන්ධානය තීරණය කර ඇත්තේ.
එහෙත් ඇතැම් විපක්ෂ මන්ත්‍රීවරුන් එම ස්ථාවරයෙන් බැහැරව කටයුතු කරන ආකාරයක්ද දක්නට ලැබෙනවා.
