ක්වීන්ස්ලන්ඩ් ප්‍රාන්තයේ ප්‍රදේශ කිහිපයකට හෙට සිට බලාත්මක වන පරිදි ගිනි අනතුරු ඇගවීම් (fire warning) නිකුත් කර තිබෙනවා.
වසර 03 කට පසු වසන්ත සමයකදී (spring) ගිනි අනතුරු ඇගවීම් නිකුත් කරනු ලැබු පළමු අවස්ථාව මෙයයි.
පවතින වාතාවරණය අනුව ලැව් ගින්නක් පැතිරයාම ආරම්භ වුවහොත් එය පාලනය ඉතා අසීරු වනු ඇති බවයි ක්වීන්ස්ලන්ඩ් ආපදා සහන අංශ පෙන්වා දෙන්නේ.
එබැවින් නිරතුරුව අනතුරු ඇගවීම් නිවේදන පිළිබඳ අවධානයෙන් පසුවන්නැයිද ඉල්ලීමක් කෙරෙනවා.
ලැව් ගිනි අවධානම් සහිත කලාප ලෙසට නම් කර ඇති ප්‍රදේශවලින් වහා ඉවත් වන්නැයිද දැනුම්දීමක් සිදු කෙරෙනවා.
