වික්ටෝරියා ප්‍රාන්තය විසින් පණවන ලද අනිවාර්ය කොවිඩ් එන්නත්කරණයට අදාළව ගොණුකල පැමිණිලිවලින් විභාග කිරීම ආරම්භ කර ඇත්තේ සියයට 15 ක් වැනි සුලු ප්‍රමාණයක් පමණක් බව අනාවරණය වී තිබෙනවා.
වික්ටෝරියා මානව හිමිකම් කොමිසමට පමණක් පැමිණිලි 400 කට ආසන්න සංඛ්‍යාවක් ලැබී ඇති බවයි පැවසෙන්නේ.
මින් බහුතරයක් සේවා ස්ථාන විසින් සේවකයන්ට පැණවු අනිවාර්ය එන්නත්කරණ අවශ්‍යතාවලට එරෙහි පැමිණිලි බව සඳහන්.
කොවිඩ් වසංගතය දරුණුම මට්ටමේ පැවති 2021 වසරේ ඔක්තෝබර් මාසයේදී වික්ටෝරියා ප්‍රාන්ත රජය විසින් අනිවාර්ය එන්නත්කරණ අවශ්‍යතාවයක් පණවනු ලැබුවා.
ප්‍රාන්ත අගමැති ඩැනියල් ඇන්ඩෲස් සඳහන් කලේ වික්ටෝරියානුවන් වසංගතයෙන් බේරා ගැනීම පමණක් එහි අරමුණ වූ බවයි.
කෙසේවෙතත් එන්නත්කරණයට ලක් නොවූ ඇතැම් සේවකයන් සේවයෙන් ඉවත් කිරීම් මෙන්ම සේවයට වාර්තා කිරීමට ඉඩ නොදීමේ සිදුවීම්ද මේ අතර වාර්තා වුණා.
