හොංකොං සහ දකුණු චීනයට ඊයේ සිට බලපා ඇති සුළි කුණාටුව හේතුවෙන් ගුවන් ගමන්වාර 460 ක් පමණ අවලංගු කර තිබෙනවා.
සංචාරක සහ ව්‍යාපාර කටයුතු සදහා පැමිණි ගුවන් මගීන් රැසක් මේ වන විට හොංකොං ගුවන්තොටුපළෙහි රැඳී සිටින බවයි විදෙස් මාධ්‍ය වාර්තා කළේ.
සුළි කුණාටුවෙන් ආපදාවට පත් පුද්ගලයින් 400 ක් පමණ තාවකාලික රැඳවුම් මධ්‍යස්ථාන වෙත යොමු කිරීමට පියවර ගෙන තිබුණා.
මේ අතර සුළි කුණාටුවේ බලපෑමට ලක්වූ ප්‍රදේශවල නව පාසැල් වාරය ආරම්භ කිරිම ද සතියකින් කල්දමා තිබෙනවා.
අයහපත් කාලගුණික තත්වය හේතුවෙන් නිවෙස් තුළම රැඳී සිටින ලෙසයි කාළගුණ අංශ ජනතාවට උපදෙස් ලබා දී ඇත්තේ.
මේ අතර චීනයේ ප්‍රධාන නගර වෙත ඇතුල් වන හා පිටවන දුම්රිය සේවා ද සම්පූර්ණයෙන්ම නවතා තිබෙනවා.
මෙම අයහපත් කාළගුණය හමුවේ හොංකොං හි කොටස් වෙළඳපළ ද කඩා වැටී ඇති බව සඳහන්.
කෙසේ වෙතත් ඉදිරි පැය කිහිපය තුළ මෙම අවධානම පහව යා හැකි බවට ද කාළගුණ අංශ අනාවැකි පල කර තිබෙනවා.
