දේශගුණික විපර්යාස ඔස්ට්‍රේලියාවේ ආර්ථිකයට දැඩිව බලපෑම් ඇතිකරන බව මීලග ෆෙඩරල් සංචිත බැංකු අධිපති මිශෙල් බුලොක් පවසනවා.
මේ තත්වයට මුහුණදීම සදහා මූල්‍ය පද්ධතිය ශක්තිමත්ව කළමණාකරනය කළ යුතු බවයි මාධ්‍ය වෙත අදහස් දක්වමින් ඇය ප්‍රකාශ කලේ.
දේශගුණික විපර්යාස නිශ්චිතව නිර්ණය කර ගත නොහැකි අතර එය ආර්ථික පද්ධතියට කොපමණ බලපෑම් කරන්නේද යන්න නිශ්චිත තක්සේරුවක් කල නොහැකි බවයි ඇය සදහන් කළේ.
එවැනි අවිනිශ්චිත තත්වයක් තුල බැංකු පද්ධතිය ශක්තිමත්ව පවත්වාගෙන යෑමට අවශ්‍ය කටයුතු සම්පාදනයට අදාළව මුල්‍ය ආයතන එක්ව ක්‍රියා කිරීම වැදගත් වනු ඇති.
අවිනිශ්චිත ආර්ථික බාධාවන්ට මුහුණදීමට අදාල නව මූල්‍ය ප්‍රතිපත්ති සකස් කරමින් පොලි අනුපාතිකයන් නිර්නය කිරිමට අදාල යෝජනාවක් ද ඉදිරිපත්ව තිබෙනවා.
ආපදා කලාප වල වෙසෙන ජනයා ඉන් ඉවත් කිරීමට පියවර ගතයුතු අතර බලශක්ති ඉල්ලූමට නිසි විසදුම් ගතයුතු බව ද මීලග ෆෙඩරල් සංචිත බැංකු අධිපති මිශෙල් බුලොක් අවධාරණය කළා.
දැනට ෆෙඩරල් සංචිත බැංකුවේ නියෝජ්‍ය අධිපති ලෙස කටයුතු කරන මිශෙල් බුලොක්ස් එළඹෙන සැප්තැම්බර් 18 වන දින සිට එහි නව අධිපති ලෙස වැඩභාරගැනීමට නියමිතයි.
