
ඔස්ට්රේලියානු ව්යාපාර අතුරින් සියයට 15 ක් ගතවූ මාස 12 ක කාලය තුළදී අසාර්ථක වී තිබෙනවා.
සංඛ්යාලේඛණ කාර්යාංශය නිකුත් කල නවතම දත්තවල සඳහන් වන්නේ එය 2008 වසරෙන් පසු මාස 12 ක කාලය තුළදී ව්යාපාර බිඳ වැටීම්වල ඉහළම අගය බවයි.
කොවිඩ් සමය ආරම්භ වූ 2019 වසරේ සිට ගතවූ වසර 04 ක කාලය තුළදී ස්ථිරවම වසා දමන ලද ඔස්ට්රේලියානු ව්යාපාරවල ප්රතිශතය සියයට 35 ක්.

මින් බහුතරය ප්රවාහන – තැපැල් සහ ගබඩා ක්ෂේත්රවලට අයත් ආයතන බවයි පැවසෙන්නේ.
2019 වසරේදී ආරම්භ කරනු ලැබූ වයාපාර අතුරින් සියයට 64.4 ක් වසර 04 ක් ගතවීමට පෙර වසා දමා ඇති බවත් එය ඉතා බරපතල තත්වයක් බවත් සංඛ්යාලේඛණ කාර්යාංශය අවධාරණය කරනවා.

ජාතික සිල්ලර වෙළඳ සම්මේලනය පෙන්වා දෙන්නේ මෙම තත්වය අතිශය භයානක අතර ඇතැම් සුලු පරිමාණ ව්යාපාර පවත්වාගෙන යාමේ දැඩි අසීරුතාවයක් පවතින බවයි.