ඔස්ට්‍රේලියාවේ සෞඛ්‍ය ආරක්ෂිත ආහාර නිපදවන ප්‍රධාන සමාගමක ව්‍යාපාර කටයුතු සම්පූර්ණයෙන් බිදවැටී තිබෙනවා.
මෙලෙස බංකොලොත්භාවය ප්‍රකාශයට පත්කර ඇත්තේ සිඩ්නි සහ මෙල්බන් නගරවල ප්‍රචලිතව පැවති Halo Food නම් සමාගමයි.
අලාභය පියවා ගැනීම සදහා සමාගම් වත්කම් විකි”මටයි පාලනාධිකාරිය මේ වන විට පියවර ගෙන ඇත්තේ.
මව්වරුන් සදහා පෝශණ අතිරේකයක් වූ The Healthy Mummy නිශ්පාදන සහ Tonik නිශ්පාදන මෙම සමාගමේ ප්‍රධාන අලෙවි සන්නාමයන් අතර වනවා.
Halo Food නිශ්පාදන ඔස්ට්‍රේලියාවේ සුපිරි වෙළදසැල්වල අළෙවි වූ අතර චීනය, නවසීලන්තය, වියට්නාමය, තායිවානය, හොංකොං මෙන්ම මැදපෙරදිග රටවලටද අපනයනය කර තිබෙනවා.
ඒ අනුව සමූහයේ ව්‍යාපාර සදහා උනන්දුවක් දක්වන පාර්ශව වෙත කොටස් මිලදී ගැනීමේ අවස්ථාවද හිමිවනු ඇති.
කෙසේ වෙතත් සමාගම් පාලනාධිකාරිය පෙන්වා දෙන්නේ බිදවැටුනු සමාගම නැවත ගොඩනැගීමට සියලූ පාර්ශව සමග එක්ව කටයුතු කරන බවයි.
