ක්වීන්ස්ලන්ඩ් ප්‍රාන්තයේ වාහනවල පසුපස ගැටීම්වලින් සිදුවන අනතුරු සංඛ්‍යාව සියයට 50 කින් ඉහළ ගොස් තිබෙනවා.
ඉන් බහුතරයකට හේතුව මහා මාර්ගවල රථවාහන තදබද අතරතුරදී මංතීරු වෙනස් කිරීමට යාම වැනි දෑ බවයි අනාවරණ වී ඇත්තේ.
එමෙන්ම අධික වේගයෙන් පැමිණ නතර කිරීමට පෙර ඉදිරිපසින් ගමන් ගන්නා වාහනයේ ගැටීම් ද ඉහළ ගොස් ඇති බව සඳහන්.
රථ වාහන තදබදයකදී මෙවැන්නක් සිදුවුවහොත් වාහන කිහිපයකට හානි සිදුවීමේ අවධානම ඉහළ මට්ටමක පවතින බව රථවාහන බළධාරීන් පෙන්වා දෙනවා.
වාහන අතර නිසි පරතරය පවත්වාගෙන යාම අනතුරු අවම කරගැනීමේ පහසුම ක්‍රියාමාර්ගයක් බවයි ඔවුන් තවදුරටත් දන්වා සිටින්නේ.
