සූදු ක්‍රීඩා සඳහා ඇබ්බැහි වූ ඔස්ට්‍රේලියානුවන් ඉන් මුදා ගැනීම සඳහා ෆෙඩරල් රජය විසින් නව යෙදවුමක් හඳුන්වා දී තිබෙනවා.
Bet Stop ලෙස නම් කර ඇති එහි ලියාපදිංචි වන ඔස්ට්‍රේලියානුවන්ට මාස 03 සිට ජීවිතාන්තය දක්වා වන කාලයක් තුළ ඔට්ටු හෝ සූදූ ක්‍රීඩා කිරීමෙන් වැළකී සිටිය හැකියි.
එවැනි දෑ සඳහා යොමු නොවී සිටීමට තමන්ට අවශ්‍ය කාල සීමාව තමන් විසින්ම තෝරාගත යුතුයි.
එම කාල සීමාව තුළදී වෙබ් අඩවි – ඇප්ලිකේෂන – ජංගම දුරකථන යනාදී කිසිදු මාධ්‍යයක ඔට්ටු හෝ සූදූ ක්‍රීඩාවලට සම්බන්ධ කිසිවකට පිවිසීමට ඒ අනුව අවස්ථාව උදාවන්නේ නැහැ.
අනත්ර්ජාලය හරහා මෙන්ම රූපවාහිනී මාධ්‍ය හරහා ප්‍රචාරණ කටයුතු සිදුකරන සියලු ඔට්ටු හෝ සූදූ ක්‍රීඩා මෙහෙයවන්නන් මෙම නව සේවාව ප්‍රවර්ධනය කල යුතු බවටද ඔස්ට්‍රේලියානු මාධ්‍ය අධීකාරිය විසින් නියමයක් පණවා තිබෙනවා.
ලබන මාසය අග වනවිට Bet Stop සේවාව නිල වශයෙන් හඳුන්වාදීමට නියමිතයි.
