සරම්ප අවධානම ගැන බාලි දූපතේ සංචාරය කරන ඔස්ට්‍රේලියානුවන්ට අනතුරු ඇගවීමක්

සරම්ප රෝගය වැළදීමේ අවධානම හේතුවෙන් බාලි දූපතේ සංචාරයේදී අවධානයෙන් පසුවන ලෙස ෆෙඩරල් රජය විසින් ඔස්ට්‍රේලියානුවන්ට අනතුරු අගවනවා.

මෙතෙක් සරම්ප එන්නත ගෙන නොමැති පුද්ගලයින් විදේශගතවීමට පෙර එම එන්නත ගත යුතු බවයි සෞඛ්‍ය අංශ ජනතාවට උපදෙස් ලබා දෙන්නේ.

සරම්ප රෝගය ඔස්ට්‍රේලියානුවන් අතර ප්‍රචලිත රෝගී තත්වයක් නොවූවද ඔස්ටේ්‍රලියානුවන් වැඩි වශයෙන් සංචාර කරන ඉන්දුනීසියාව – ඉන්දියාව – පිලිපීනය – පකිස්ථානය සහ තායිලන්තයේ වැඩි අවධානමක් සහිත රෝගී තත්වයක් බවයි වෛද්‍යවරුන් පෙන්වා දෙන්නේ.

එමෙන්ම මැද පෙරදිග – අප්‍රිකාව – යුරෝපය සහ මහා බ්‍රිතාන්‍යයද සරම්ප අවධානම් රටවල් ලෙසයි සැළකෙන්නේ.

මෑතකදී ඉන්දුනීසියාවේ ජකර්තා සිට සරම්ප ආසාධිතව පැමිණි පුද්ගලයෙකු හේතුවෙන් වික්ටෝරියා සහ ක්වීන්ස්ලන්ඩ් ස්ථාන කිහිපයක් අවධානම් ස්ථාන ලෙසද නම් කෙරුණා.

විදේශසිට පැමිණෙන ඔස්ට්‍රේලියානුවන් හට උණ, කැස්ස සහ අක්ෂි ආසාධන ඇතුළු සරම්ප රෝග ලක්ෂණ වර්ධනය වී දින තුනකට හෝ හතරකට පසු රතු ලප මතුවන්නේ නම් වහාම වෛද්‍ය ප්‍රතිකාර සදහා යොමුවන ලෙසයි උපදෙස් ලබා දෙන්නේ.

විශේෂයෙන් වයස අවුරුදු එකට අඩු දරුවන් විදේශ සංචාර සදහා රැගෙන යෑමේදි සරම්ප එන්නත ලබාදීම අනිවාර්ය වනවා.

නිසි පරිදි එන්නත් දෙකම ලබාගත් පුද්ගලයින් හට සරම්ප අවධානම අවම වන අතර විදේශ සංචාරයන්හි දී මේ සම්බන්ධව අවධානයෙන් පසුවීම ද වැදගත් වනවා.

සිඩ්නි සාප්පු සංකීර්ණයේ පිහි ඇනුමෙන් 4ක් ජීවිතක්ෂයට පත්වී ඇතැයි තොරතුරු

සිඩ්නි වෙස්ට්ෆීල්ඩ් හි සාප්පු සංකීර්ණයක සිදු වූ පිහි ඇනුම් සහ වෙඩි තැබීමේ සිදුවීම හේතුවෙන් පුද්ගලයන් 4 දෙනෙකු මියගොස් ඇතැයි වාර්තා වනවා.

Read More »

සිඩ්නි සාප්පු සංකීර්ණයක පිහි ඇනුමක් සහ වෙඩි තැබීමක්

සිඩ්නි නැගෙනහිර ප්‍රදේශයේ වෙස්ට්ෆීල්ඩ්හි සාප්පු මධ්‍යස්ථානයක් තුළ සිදු වූ පිහි ඇනුමක් සහ වෙඩි තැබීමකින් පසු ජනතාවට ඉවත්වන ලෙසට දැනුම් දී තිබෙනවා.

Read More »

සංක්‍රමණිකයන්ගේ බවට සැක කෙරෙන මළ සිරුරු දෙකක් හමුවෙයි

නිව් සවුත්වේල්ස් ප්‍රාන්තයේ කන්ටේනරයක තිබී පුද්ගල මළ සිරුරු දෙකක් සොයා ගැනීමෙන් පසු පොලිසිය විශේෂ පරීක්ෂණයක් ආරම්භ කර තිබෙනවා.

Read More »

Qantas සමාගමේ ගුවන් ගමන්වල වෙනසක්

මැදපෙරදිග ඇතැම් ප්‍රදේශවලට පියාසර කිරීම වළක්වා ගැනීම සඳහා පර්ත් සහ ලන්ඩන් අතර ඍජු ගුවන් ගමන් මාර්ගය යළි ආරම්භ කිරීමට ක්වන්ටාස් සමාගම සැලසුම් කර තිබෙනවා.

Read More »