පොදු ප්‍රවාහනයේදී බැංකු කාඩ්පත් සහ ස්මාර්ට්ෆෝන් භාවිතයෙන් පවා ගාස්තු ගෙවීමට වික්ටෝරියානුවන්ට අවස්ථාව උදාවන ළකුණු පළවී තිබෙනවා.
නාගරික ප්‍රවාහනයේදී මෙන්ම V/Line වැනි ප්‍රාදේශීය සේවා සඳහාද එය බලාත්මක කෙරෙන අතර මෙම නව ක්‍රමවේදයේ මූල්‍ය පාලන බලතල පවරා ඇත්තේ කොමන්වෙල්ත් බැංකුවටයි.
MyKi කාඩ්පත් ක්‍රමය සඳහා ඉතාම නුදුරේදී හඳුන්වාදීමට යෝජිත ප්‍රතිසංස්කරණ මාලාවට මෙම යෝජනාවද ඇතුළත් වනු ඇති.
වික්ටෝරියානුවන්ට පොදු ප්‍රවාහන ගාස්තු ගෙවීම මේ හරහා තවත් සරළ වනු ඇති බවයි කොමන්වෙල්ත් බැංකුව පෙන්වා දෙන්නේ.
ලබන දෙසැම්බර් මාසයේ සිට බලපැවැත්වෙන පරිදි වික්ටෝරියා මගී ප්‍රවාහන ගාස්තු කොන්ත්‍රාත්තුව වසර 15 ක් සඳහා අමෙරිකානු සමාගමක් වෙත පිරිනමනු ලැබුවා.
ලබන වසර ආරම්භයේ සිට නව අත්හදා බැලීම් ආරම්භ කිරීමටයි සැළසුම් සකස් කර ඇත්තේ.
