සිය බාල දියණියගේ ඉගෙනගැනීමේ ප්‍රමාදයන් හේතුවෙන් ඔස්ට්‍රේලියාවෙන් පිටුවහල් වීමේ අවධානමකට ලක්වී ඇති ඉන්දීය පවුලක් පිළිබඳ පුවතක් පර්ත් නගරයෙන් වාර්තා වනවා.
04 හැවිරිදි ඇයගේ අධ්‍යාපන වියදම් බදු ගෙවන්නන්ට බරක් වනු ඇතැයි නිගමනය කර සති 02 ක් තුළ රටින් බැහැර වන ලෙසයි ස්වදේශ කටයුතු දෙපාර්තමේන්තුව ඔවුන්ට දන්වා ඇත්තේ.
මෙම දැරියගේ මව අවන්හලක ප්‍රධාන සූපවේදිනිය ලෙස කටයුතු කරන අතර ඇය සහ සැමියා වසර කිහිපයකට පෙර ඉන්දියාවේ සිට ඔස්ට්‍රේලියාවට පැමිණ තිබුණා.
ඇයට සෞඛ්‍ය ක්ෂේත්‍රයේ සුදුසුකම් සහිත වුවද ඔස්ට්‍රේලියාවට පැමිණ ආහාර සේවා කර්මාන්තයේ රැකියාවක නිරතවී ඇත්තේ ස්ථිර පදිංචිය ලබාගැනීමේ අරමුණ ඇතිවයි.
ස්වදේශ කටයුතු දෙපාර්තමේන්තුව විසින් එවා ඇති ලිපියේ දැක්වෙන්නේ දැරියගේ අධ්‍යාපන වියදම් සඳහා වසරකට ඩොලර් 140,000 ක වියදමක් දැරීමට බදු ගෙවන්නන්ට සිදුවනු ඇති බවයි.
මේ අතර මෙම ගැටලුවට මැදහත් වන ලෙස සංක්‍රමණ කටයුතු අමාත්‍යවරයා වෙත අභියාචනයක් යොමු කිරීමටයි මෙම ඉන්දීය පවුල පියවර ගෙන ඇත්තේ.
