ඉදිරි මාස 12 තුළදී ඔස්ට්‍රේලියාව අනිවාර්යයෙන්ම ආර්ථික අවපාතයක් කරා ගමන් කරනු ඇති බවට ආර්ථික විද්වතුන් පිරිසක් අනතුරු අගවා තිබෙනවා.
සියයට 90 කට වැඩි පිරිසකගේ ස්ථාවරය වී ඇත්තේ ඉදිරි වසර 02 තුළදී අනිවාර්යයෙන්ම ආර්ථික අවපාතයක් ඇති වන බවයි.
ඉදිකිරිම් ක්ෂේත්‍රයේ පසුබෑම් – ප්‍රබල සමාගම් ව්‍යාපාර කටයුතු අත්හිටුවීම් වැනි දෑ හරහා මෙහි අවධානම නිරූපණය වන බවයි මෙම සමීක්ෂණයේදී හෙළිවී ඇත්තේ.
ඉහළ යන භාණ්ඩ මිළ ගණන් සහ වැටුප් වැඩි කිරීම් හමුවේ ව්‍යාපාර පවත්වාගෙන යාමට අපහසු තත්වයක් උදාවී ඇති බවයි ආර්ථික විද්වතුන් සඳහන් කර සිටින්නේ.
මෙම සමීක්ෂණයට සහභාගී වූ ආර්ථික විද්වතුන් අතුරින් සියයට 43 ක් වික්ටෝරියා ප්‍රාන්තය නියෝජනය කරන්නන් වන අතර සියයට 36 ක් නිවු සවුත් වේල්ස් සහ සියයට 12 ක් ක්වීන්ස්ලන්ඩ් ප්‍රාන්තය නියෝජනය කරනවා.
පසුගිය සැප්තැම්බර් මාසයේදී සිදුකල සමීක්ෂණයේදී ආර්ථික අවපාතයක් පිළිබඳ අනතුරු අගවා තිබුණේ සහභාගී වූ ආර්ථික විද්වතුන් අතුරින් සියයට 27 ක් පමණයි.
SOURCES : https://www.abc.net.au/news/2023-08-16/australian-recession-predicted-by-businesses/102737396
