ඔස්ට්‍රේලියාව තුළ පවතින දැඩි නිවාස අර්බුධයට පිළියම් ලෙස ඉදිරි වසර 05 තුළදී නිවාස මිලියන 1.2 ක් ඉදි කර අවසන් කිරීමට ජාතික කැබිනට් මණ්ඩලයේදී අනුමැතිය ලැබී තිබෙනවා.
මේ සඳහා අමතර ඩොලර් බිලියන 03 ක මුදලක් වෙන් කිරීමට අද පැවති කැබිනට් මණ්ඩලයේදී එකගතාවය පළවු බවයි අගමැති ඇන්තනී ඇල්බනීස් සඳහන් කලේ.
මේ හරහා ඔස්ට්‍රේලියාවේ නිවාස හා කුලී නිවාස අර්බුදයට පිළියම් ලැබෙනු ඇති බවටද ජාතික කැබිනට් මණ්ඩල රැස්වීමෙන් අනතුරුව මාධ්‍ය අමතමින් ඔහු කියාසිටියා.
නව නිවාස යෝජනා ක්‍රමයට අනුව සැලසුම් කිරීම, කලාපකරණය, ඉඩම් නිදහස් කිරීම හා දැරිය හැකි මිළදී ගැනිම් යන සංකල්ප යටතේ නිවාස ඉදිකිරීමට නියමිතයි.
ඉඩම් හිමියන්ට සහ කුලී නිවාස හිමි පුද්ගලයින් වෙත නිවාස කුලී සීමා පැනවීම මගින් නොව නව නිවාස ඉදිකිරීම මගින් පමණක් නිවාස අර්බුධයට පිළියම් ලැබෙන බවයි අග්‍රාමාත්‍ය ඇන්තනී ඇල්බනීස් වැඩිදුරටත් සදහන් කලේ.
