ජූනි මාසයෙන් අවසන්වූ මාස 12 තුළදී ඔස්ට්‍රේලියාවේ වැටුප් වැඩිවීමේ ප්‍රතිශතය සියයට 3.6 ක් ලෙසට තක්සේරු කර තිබෙනවා.
මාර්තු මාසයෙන් අවසන්වූ මාස 12 තුළ එය සටහන්වී තිබුණේ සියයට 3.7 ක් ලෙසයි.
ගතවු වසර 13 ක දත්ත සැළකීමේදී ඔස්ට්‍රේලියාවේ ඉහළම වැටුප් වර්ධන වේගය සියයට 3.8 ක් ලෙස පැවතී ඇත්තේ 2012 වසරේදීයි.
සංඛ්‍යාලේඛණ කාර්යාංශය විසින් අද නිකුත් කල නවතම දත්ත අනුව අඛණ්ඩව 03 වන කාර්තුවටත් මෙවර ජූනි කාර්තුවේදීත් වැටුප් වර්ධන වේගය සියයට 0.8 ක මට්ටමේ පැවතී ඇති බව සඳහන්.
සැප්තැම්බර් මාසය සඳහාත් පොළී අනුපාතික අගයන්හි වෙනසක් සිදු නොවනු ඇති බවට මෙමගින් ඉගි පළවන බවයි ආර්ථික විශ්ලේෂකයන් පෙන්වා දෙන්නේ.
