බදු වංචාවක් ප්රවර්ධනය සම්බන්ධයෙන් ටික් ටොක් සමාජ ජාලයේ ජනප්රිය චරිත කිහිපයකට ඔස්ට්රේලියානු බදු කාර්යාලය විසින් චෝදනා කර තිබෙනවා.
ඩොලර් බිලියන 1.2 කට ආසන්න වංචාවක් මේ හරහා සිදුවී ඇති බවටයි අනාවරණය කරගෙන ඇත්තේ.
ABN හෙවත් ඔස්ට්රේලියානු ව්යාපාර ලියාපදිංචි අංකයක් ලබාගෙන ව්යාපාරයක් ස්ථාපිත කිරිමෙන් පසු ගෙවිය යුතු බදු වංචාසහගත ලෙස පැහැර හැරීමට උපදෙස් දෙන ක්රමයක් ප්රවර්ධනයයි අදාළ ටික් ටොක් චරිතවලට එල්ල වී ඇති චෝදනාව වන්නේ.
මෙල්බන් – සිඩ්නි – බ්රිස්බන් නගරවලදී සිදුකල වැටලීම්වලදී මීට සම්බන්ධ වංචාකරුවන් 10 දෙනෙකු අත්අඩංගුවට ගෙන තිබුණා.
56,000 කට අධික පිරිසක් මෙම වංචාවට ගොදුරු වී ඇති බවද ඩොලර් බිලියන 2.7 කට ආසන්න මුදලක් ආරක්ෂා කරගැනීමට හැකිවු බවද ඔස්ට්රේලියානු බදු කාර්යාලය නිවේදනය කර සිටිනවා.
