සිඩ්නි සිට මැලේසියාවේ ක්වාලාලම්පූර් නුවර දක්වා ගමන් ගනිමින් තිබූ මැලේසියා ගුවන් සේවයේ යානයක හටගත් නොසන්සුන් තත්වයක් හේතුවෙන් එය ආපසු සිඩ්නි ගුවන් තොටුපළට හරවාගෙන පැමිණ තිබෙනවා.
පස්වරු 01.40 ට පමණ ගුවන් ගතවු එය නැවතත් පස්වරු 03.47 ට ගොඩබස්වා ඇති බවයි සිඩ්නි බළධාරීන් සඳහන් කලේ.
MH122 යානයේ සිටි මගියෙකු සෙසු මගීන් සහ කාර්ය මණ්ඩලයට තර්ජනාත්මකව හැසිරීම මීට හේතුවයි.
ගොඩබස්වන ලද යානය පැය 03 කට පසුවත් තවමත් සිඩ්නි ගුවන් තොටුපළේ ගුවන් ධාවන පථයේ කෙළවරක නවතා ඇති බවයි වාර්තා වන්නේ.
මෙහි මගීන් 194 දෙනෙකු සිටින අතර මෙම සිද්ධිය හමුවේ සිඩ්නි ගුවන් තොටුපළට පැමිණෙන සහ පිටත්වන සියලු ගුවන් යානාවල ප්‍රමාදයන් හටගෙන තිබෙනවා.
එහෙත් කිසිදු ගුවන් වාරයක් අවලංගු කර නොමැති බවයි සිඩ්නි ගුවන් තොටුපළ බලධාරීන් අවධාරණය කලේ.
ගොඩබස්වන ලද යානය මේ වනවිට ඔස්ටේ්‍රලියානු ෆෙඩරල් පොලිසියේ නිළධාරීන් මෙන්ම ගිනි නිවන රථ විසින් වට කර තිබෙනු දක්ට හැකියි.
