නිවාස කුළී සම්බන්ධ වංචා සඳහා වික්ටෝරියා ප්‍රාන්තවාසීන් ගොදුරුවීම ඉහළගොස් තිබෙනවා.
මෙම වසරේ මේ දක්වා කාලය තුළදී එවැනි සිදුවීම් 61 ක් පිළිබඳ පොලිසිය වෙත වාරතාවී ඇති අතර අහිමි කරගෙන ඇති මුදල ඩොලර් 126,000 කට ආසන්නයි.
කෙසේවෙතත් වාර්තා වී නොමැති සිදුවීම් සළකා බැලීමේදී මෙම අගය අතිශය ඉහළ අගයක පවතිනු ඇති බවටයි අනාවැකි පළවන්නේ.
වයස අවුරුදු 18 ත් 29 ත් අතර වික්ටෝරියානුවන් මෙම වංචාවල වැඩිම ගොදුරුකරුවන් බවට පත්වී තිබෙනවා.
ඒ අනුව අදාළ සිදුවීම් 61 න් 40 කට වැඩි සංඛ්‍යාවක් අවුරුදු 18 ත් 29 ත් අතර වයස් කාණ්ඩයේ පිරිස් වනවා.
නිවාස කුළී ඉහළ අගයක් ගැනීම හමුවේ අඩු මිළට කුළී නිවාස දෙන බව පවසමිනුයි මෙම වංචා අතුරින් බහුතරයක් සිදුකර ඇත්තේ.
