සිඩ්නි නගරයේ පැවැත්වෙන මාර්ග ධාවන තරගයක් හේතුවෙන් අද දිනයේ මාර්ග රැසක් වසා තැබෙන බව නිවු සවුත් වේල්ස් ප්‍රාන්ත පොලිසිය රියදුරන්ට දන්වා සිටිනවා.
අද අලුයම 03.30 සිට මාර්ග වසා තැබීම් ආරම්භ වූ අතර සිඩ්නි නාගරික කලාපයේ මාර්ග ගණනාවක් අලුයම 6 සිට වසා තැබීම් ආරම්භ කෙරෙනු ඇති.
කිලෝමීටර් 14 ක දුරකින් යුත් මෙම ධාවන තරගයට 80,000 කට ආසන්න පිරිසක් සහභාගී වන අතර පෙරවරු 7.40 ට පළමු තරගය ආරම්භ වනවා.
සිඩ්නි නාගරික කලාපයේ මාර්ග පෙරවරු 11.30 සිට යළි විවෘත කෙරෙන අතර පස්වරු 04 වනවිට සියලු මාර්ග විවෘත කර අවසන් කෙරෙනු ඇති.
මාර්ග වසා තැබෙන වේලාවන් හිදී එම මාර්ගවල ගමන් ගන්නා බස් රථ ද වෙනත් මාර්ගවලින් ගමන් ගන්නා බවයි සිඩ්නි බළධාරීන් දන්වා සිටින්නේ.
