වැඩමුලුවක් සඳහා ඩොලර් 10,000 ක මුදලක් වියදම් කර ඇති බවට වික්ටෝරියා ප්රාන්ත ගිලන් රථ සේවයට චෝදනා එල්ල වනවා.
වෘත්තීය සමිති චෝදනා කරන්නේ ශීත සෘතුවේ රාජකාරි කිරීමේදී අවශ්ය ජැකට්ටු පවා නොදුන් බළධාරීන් අනවශ්ය වියදමක් දරා ඇති බවටයි.
ජ්යෙෂ්ඨ කළමණාකරුවන් 70 දෙනෙකු සඳහා පසුගිය අගහරුවාදා දිනයේදී මෙල්බන් නුවර සුපිරි හෝටලයකදී මෙම වැඩමුලුව පවත්වා ඇති බව සඳහන්.
වික්ටෝරියා ගිලන් රථ සේවයේ ප්රධානීන් පවසන්නේ සේවා ස්ථාන කාර්යක්ෂමතාවය ඉහළ නැංවීමේ අරමුණ ඇතිව මෙම වැඩසටහන සංවිධාන කල බවයි.
මෙම මුදල නාස්තියක් ලෙස තමන්ද නොදකින බවයි වික්ටෝරියා අගමැති ඩැනියල් ඇන්ඩෲස් ද සඳහන් කර ඇත්තේ.
