Qantas ගුවන් සමාගමේ COVID එන්නත අනිවාර්ය කිරීමේ රීතියට ජාත්‍යන්තර ගුවන් සේවා ආයතනය ප්‍රතිචාර දක්වයි.
International airlines body responds to the Qantas mandatory COVID vaccine rule.
ලොව පුරා ගුවන් සමාගම් නියෝජනය කරන ආයතනය වන අන්තර්ජාතික ගුවන් ප්‍රවාහන සංගමය (IATA) Qantas ගුවන් සමාගමේ ප්‍රධාන විධායක ඇලන් ජොයිස්ගේ COVID එන්නත් කිරීම මගීන් සඳහා අනිවාර්ය කරන බවට කරන ලද ප්‍රකාශයට ප්‍රතිචාර දක්වා ඇත.
අන්තර්ජාතික ගුවන් ප්‍රවාහන සංගමයේ (IATA) ප්‍රධාන විධායක නිලධාරී Alexandre de Juniac පැවසුවේ Qantas ප්‍රතිපත්තිය “තරමක් නොමේරූ” එකක් වන අතර අන්තර්ජාතික සංචාරයන් වෙනත් ක්‍රියාමාර්ග සමඟ නැවත ආරම්භ කළ හැකි බවයි.
මේ සතිය මුලදී Qantas හි ප්‍රධාන විධායක ඇලන් ජොයිස් පැවසුවේ ජාත්‍යන්තර මගීන්ට කොරෝනා එන්නත ලබා ගත් බවට සාක්ෂි සැපයිය යුතු බවයි.
නමුත් Alexandre පැවසුවේ එන්නත වටා සැලසුම් සකස් කිරීම ආරම්භ කිරීමට කල් වැඩි බවයි.
“මේ වන විට අපට මෙම එන්නත පිළිබඳ ඉතා හොඳ ආරංචියක් ලැබී ඇත. නමුත් එන්නත ලබා ගැනීමේ ප්‍රගතිය ලොව පුරා ව්‍යාප්ත වන්නේ කවදාද සහ කෙසේද යන්න පැවසීම මඳක් නොමේරූ දෙයක් වන අතර මුළු ලෝකයම එය සිදු කරනු ඇත,” Alexandre පැවසීය.
සංවිධානයේ වාර්ෂික මහා සභා රැස්වීමේදී “මිනිසුන්ට ගෝලීය සංචලතාව අවශ්‍යයි. නමුත් දේශසීමා වැසීම සහ නිරෝධායන පියවරයන් නිසා ගමන් බිමන් යෑමට නොහැකි වේ. අපි වෛරසය සමඟ ජීවත් වන ආකාරය කළමනාකරණය කළ යුතුයි. නමුත් එයින් අදහස් කරන්නේ ගුවන් ගමන් නැවැත්වීම නොවේ.”Alexandre පැවසීය.
“ක්ෂණික විසඳුමක් දැනටමත් පවතී – ක්‍රමානුකූල COVID-19 පරීක්ෂණ මගින් අපට අද ආරක්ෂිතව දේශසීමා විවෘත කළ හැකිය.”
ජොයිස් සඳුදා(23/11) පැවසුවේ මගීන් COVID එන්නතක් ලබා දුන් බවට සාක්ෂි ඉදිරිපත් කළ යුතු නමුත් එය ක්‍රියාත්මක වන්නේ කෙසේද යන්න ප්‍රකාශයට පත් කර නොමැති බවයි.
අන්තර්ජාතික සංචාර නැවත ආරම්භ කිරීම සඳහා ලෝකයට එන්නතක් එනතෙක් බලා සිටීමට අවශ්‍ය නැති බවත්, එසේ නොමැතිනම් “අපි සියල්ලෝම මිය යනු ඇති” බවත් Alexandre තවදුරටත් පැවසීය.
වසංගතය හේතුවෙන් ලොව පුරා ගුවන් සමාගම් ඩොලර් බිලියන 118.5 ක බලපෑමක් ලබා ගැනීමට අපේක්ෂා කරන බව IATA ආයතනය පවසයි.
(7News)
