ඔස්ට්‍රේලියාවේ සියලුම ප්‍රධාන නගරවල ජනගහණය කොවිඩ් වසංගතයට පෙර පැවති තත්වයට ආසන්න වී තිබෙනවා.
2021-22 කාලසීමාවේදී සමස්තයක් ලෙස ජනගහණය 205,400 කින් වැඩිවී ඇති බවයි සංඛ්‍යාලේඛණ කාර්යාංශය නිකුත් කර ඇති දත්ත වාර්තාවල දැක්වෙන්නේ.
2018-19 වකවානුවේදී එය 277,400 ක් ලෙසද, 2019-20 වකවානුවේදී 217,000 ක් ලෙසද පැවති බව සඳහන්.
2021-22 වසරට අදාළව වැඩිම ජනගහණ වර්ධනයක් සටහන් වන්නේ බ්‍රිස්බන් නගරයෙන් වන අතර එය 59,200 ක්.
පුද්ගලයන් 55,000 ක වැඩිවීමක් සමග මෙල්බන් 02 වන ස්ථානයටත් – පුද්ගලයන් 37,300 ක වැඩිවීමක් සමග සිඩ්නි 03 වන ස්ථානයටත් පත්වී තිබෙනවා.
අඩුම ජනගහණ වර්ධනය ඩාර්වින් නගරයෙන් වාර්තා වන්නේ 780 ක් වැනි සුලු පිරිසකගේ වැඩිවීමක් සමගිනුයි.
