මෝටර් රථ සොරකම් කිරීම් අවම කර ගැනීමේ අරමුණින් පුද්ගලික මෝටර් රථවල එන්ජින් ඉමොබලයිසර් (engine immobiliser) උපකරණ සවි කරගැනීම සඳහා ඩොලර් 500 බැගින් වන වවුචර ලබාදීමට ක්වීන්ස්ලන්ඩ් ප්රාන්ත රජය තීරණය කර තිබෙනවා.
ප්රාන්තයේ වැඩිම වශයෙන් මෝටර් රථ සොරකම් සිදුවන ටවුන්ස්විල් – කෙයාර්න්ස් සහ මවුන්ට් ඉසා යන ප්රදේශවල පදිංචි පුද්ගලයන් 20,000 ක් වෙනුවෙන් මෙම වවුචර ලබාදීමට නියමිතයි.
එන්ජින් ඉමොබලයිසර් උපකරණයක් සවිකිරීම සඳහා වැයවන බවට තක්සේරු කර ඇති මුදල ඩොලර් 650 ක්.
එන්ජින් ඉමොබලයිසර් උපකරණය සවිකිරීමෙන් පසු වාහනයේ යතුර තිබුණද රහස් කේතය නොමැතිව එය පණගැන්වීමට හැකියාවක් ලැබෙන්නේ නැහැ.
ලබන වසරේ ජූනි මාසය දක්වා මෙම නියමු ව්යාපෘතිය ක්රියාත්මක වනු ඇති.
අනතුරුව සෑම වාහනයක් සඳහාම එය අනිවාර්ය කිරීමේ නීති සම්මත කරගැනීමටයි ක්වීන්ස්ලන්ඩ් ප්රාන්ත රජය සූදානමින් පසුවන්නේ.
