වික්ටෝරියා ප්‍රාන්තයේ සේවකයන්ට ගෙවිය යුතු ඩොලර් මිලියනයකට වැඩි මුදලක් ගෙවීම පැහැර හැරීමට අදාළව Woolworths සුපිරි වෙළඳ සැල් ජාලයට එරෙහිව අපරාධ චෝදනා 1,000 කට වැඩි සංඛ්‍යාවක් ගොණු කර තිබෙනවා.
වික්ටෝරියා මහේස්ත්‍රාත් අධිකරණය හමුවේ ගොණු කෙරුණු එම නඩුකරයේ දැක්වෙන්නේ 2018-2021 කාල සීමාවේදී සේවය කල සේවකයන් 1,235 දෙනෙකුට අදාළ ගෙවීමි නිසි ලෙස සිදුවී නොමැති බවයි.
මින් අති බහුතරයක් නිසි ලෙස අතිකාල නොගෙවීම් වන අතර ඩොලර් 250 සිට 12,000 දක්වා වන මුදල් ඔවුන්ට ලැබිය යුතුව පවතින බව සඳහන්.
අතිකාල සඳහා නිසි ලෙස ගෙවීම් සිදු නොකිරීම වික්ටෝරියා ප්‍රාන්ත නීතියට අනුව අපරාධමය වරදක් වන අතර වරදකරු වුවහොත් කිසියම් සේවා යෝජකයෙකුට ඉහළ දඩයක් පැණවිය හැකියි.
Woolworths හි වැටුප් ගණනය කිරීම් පද්ධතියේ දෝෂයක් හමුවේ මෙම අඩුවෙන් වැටුප් ගෙවීම සිදුව ඇති බවටද වාර්තා පළවනවා.
