2026 පොදු රාජ්‍ය මණ්ඩලීය ක්‍රීඩා උළෙලේ සත්කාරකත්වයෙන් ඉවත්වීමට වික්ටෝරියා ප්‍රාන්ත රජය ගත් තීරණය සම්බන්ධයෙන් පාර්ලිමේන්තු කමිටුවක් හරහා විමර්ශනයක් පැවැත්වීමට පියවර ගෙන තිබෙනවා.
ප්‍රාන්ත පාර්ලිමේන්තුවට විපක්ෂ ලිබරල් සන්ධානය විසින් ගෙනා යෝජනාව 25 ට 15 ක් ලෙස ඊයේ වැඩි ඡන්දයෙන් සම්මත වුණා.
තරගාවලි සත්කාරකත්වයෙන් එක්වරම ඉවත්වීමට පාලක ලේබර් පක්ෂ ප්‍රාන්ත ආණ්ඩුව තීරණය කල සැබෑ හේතු දැනගැනීමට වික්ටෝරියා ප්‍රාන්තවාසීන්ට අයිතියක් ඇති බවයි එම යෝජනාවේ දැක්වෙන්නේ.
මෙම සතිය තුළදී අදාළ කමිටුව පත් කෙරෙන අතර අනතුරුව මහජන මත විමසීම් ආරම්භ කෙරෙනු ඇති.
ලබන වසරේ අප්‍රේල් 30 වනදා වනවිට මීට අදාළ අතුරු වාර්තාවක් ලබාදීමටයි නියමිතව ඇත්තේ.
