ලොව පුරා සමස්ත ජනගහණයෙන් අඩක් පමණ වයස අවුරුදු 75 වනවිට කුමන හෝ මානසික සෞඛ්‍ය ගැටලුවකට මුහුණදෙන බව ක්වීන්ස්ලන්ඩ් විශ්ව විද්‍යාලයේ මූලිකත්වයෙන් සිදුකල අධ්‍යයනයකදී අනාවරණය වී තිබෙනවා.
රටවල් 29 ක වැඩිහිටි ජනතාව 150,000 ක් පමණ සහභාගී කරගනිමිනුයි වසර 20 කට ආසන්න කාලයක් පුරා මෙම අධ්‍යයනය සිදුකර තිබුණේ.
වැඩිම පිරිසක් මුහුණ දෙන මානසික රෝග බවට එහිදී හඳුනාගෙන තිබුණේ ආතතිය සහ විශාදයයි.
ඇල්කොහොල් භාවිත කරන්නන් අතර එම තත්වය තවත් අවධානම් මට්ටමක පවතින බවත් මෙහිදී අනාවරණය වුණා.
2018 වසරේදී සෑම ඔස්ට්‍රේලියා නුවන් 04 දෙනෙකුගෙන් අයෙකුටම කුමන හෝ මානසික රෝගයක් තිබී ඇති අතර 2021 වසර වනවිට එය සෑම 05 දෙනෙකුගෙන් 02 දෙනෙකු දක්වා ඉහළගොස් ඇති බව සඳහන්.
ඔස්ට්‍රේලියානුවන් අතර මරණවලට ප්‍රධානතම හේතුව ලෙස තහවුරු වී ඇත්තේ ද මානසික රෝග යි.
