ඔස්ට්‍රේලියානු ස්ථිර පදිංචිය සඳහා වන අයදුම්පත්‍රයට අහිතකර බලපෑමක් එල්ල කරනු ඇතැයි සිතා තාවකාලික වීසා ලාභීන් HIV පරීක්ෂණවලට මුහුණ දීමට බියෙන් පසුවන්නේ යැයි අනාවරණය වී තිබෙනවා.
සමාජ රෝග වැළැක්වීම සඳහා කටයුතු කරන ක්‍රියාකාරීන්ගෙන් තමන්ට එය දැනගන්නට ලැබුණු බවයි සංක්‍රමණ කටයුතු භාර අමාත්‍ය ඇන්ඩෲ ගයිල්ස් සඳහන් කලේ.
HIV වැළඳී ඇති සංක්‍රමණිකයන් සඳහා පනවා ඇති සෞඛ්‍ය සම්බන්ධ වීසා සීමා හා කොන්දේසි ඉවත් කරන්නැයි නීතිවේදීන් ඔස්ට්‍රේලියානු ෆෙඩරල් රජයෙන් ඉල්ලා සිටිනවා.
සංක්‍රමණ කටයුතු අමාත්‍ය ඇන්ඩෲ ගයිල්ස් ඒ පිළිබඳ සුභවාදී ආකල්පයක සිටින බව ද සඳහන්.
HIV වැළඳී ඇති පුද්ගලයින් සඳහා පනවා ඇති දැඩි සෞඛ්‍ය නිර්ණායක ඉවත් කරන ලෙසත් එය අසමත් වුවහොත් විකල්ප සහිත තවත් වීසා උප ඛාණ්ඩ හඳුන්වා දෙන ලෙසත් සමාජ ක්‍රියාකාරීන් මේ අතර ෆෙඩරල් රජයෙන් ඉල්ලා සිටිනවා.
SOURCE : SBS
