වික්ටෝරියා ප්‍රාන්ත නව ප්‍රධාන සෞඛ්‍ය වෛද්‍ය නිළධාරී ලෙස වෛද්‍ය ක්ලෙයාර් ලුකර් පත්කර තිබෙනවා.
මාස 12 ක කාලයක් සඳහා මෙම පත්කිරීම බලාත්මක වනු ඇති.
වෛද්‍ය ක්ලෙයාර් ලුකර් වසර 13 කට ආසන්න කාලයක් මහජන සෞඛ්‍ය සේවයේ නිරත තැනැත්තියක ලෙසයි සැළකෙන්නේ.
2016 වසරේදී වික්ටෝරියා සෞඛ්‍ය දෙපාර්තමේන්තුව සමග සම්බන්ධවූ ඇය මේ දක්වා එහි නියෝජ්‍ය ප්‍රධානී ලෙස කටයුතු කරනු ලැබුවා.
වික්ටෝරියා ප්‍රාන්ත ප්‍රධාන සෞඛ්‍ය වෛද්‍ය නිළධාරී ධුරය පුරප්පාඩු වූයේ එම තනතුරේ කටයුතු කල වෛද්‍ය බ්‍රෙට් සට්න් වෙනත් තනතුරක් භාර ගැනීම හේතුවෙනුයි.
