මෙල්බන් දකුණ ප්‍රදේශයේ මංකොල්ලකෑම් ඇතුලු අපරාධ රැසකට සම්බන්ධ යෞවන යෞවනියන් 07 දෙනෙකු වික්ටෝරියා ප්‍රාන්ත පොලිසිය විසින් අත්අඩංගුවට ගෙන තිබෙනවා.
අවුරුදු 13 ත් 16 ත් අතර වන පිරිමි ළමුන් 06 දෙනෙකු සහ අවුරුදු 14 ක ගැහැණු ළමයෙකු මේ අතර වන බව සඳහන්.
ජූනි 05 වනදා සිට ජූලි 23 වනදා අතර කාලය තුළදී නිවාස කොල්ලෑම් – වාහන පැහැරගෙන යෑම් සහ ඉන්ධන සොරකම් කිරීම් ඇතුලු ක්‍රිා රැසකට මොවුන් සම්බන්ධ බවටයි අනාවරණ වී ඇත්තේ.
වෙළඳ සංකීර්ණයකදී 15 හැවිරිදි දැරියකට දරුණු ලෙස පහරදීමද මොවුන්ට එරෙහි චෝදනා අතර වනවා.
මොවුන් සියලු දෙනාට ඇප නියම කර ඇති අතර ඉදිරි දිනයකදී ළමා අධිකරණයකු හමුවට ඉදිරිපත් කිරීමට නියමිතයි.
