වික්ටෝරියා ප්‍රාන්තයේ අලුතින් ඉදි කරන නිවාස සඳහා ගෑස් සබඳතා තහනම් කිරීමට ප්‍රාන්ත රජය තීරණය කර තිබෙනවා.
ලබන වසරේ ජනවාරි පළමුවනදා සිට එය බලාත්මක කෙරෙන බවයි ප්‍රාන්ත රජය අද නිවේදනය කලේ.
මේ අනුව එදින සිට ඉදිකිරීම් සඳහා අනුමැතිය හිමිවන නිවාස හෝ නේවාසිකාගාර සඳහා විදුලිය සබඳතා සඳහා පමණක් අවසර හිමිවනු ඇති.
ඉදිකිරීම් සඳහා දැනටමත් අනුමැතිය ලබාදී ඇතත් ඉදිකිරීම් ආරම්භ කර නොමැති පාසල් – රෝහල් – පොලිස් ස්ථාන ඇතුලු රාජ්‍ය ගොඩනැගිලි සඳහාද විදුලිය සබඳතා පමණක් ලබාගත යුතු බවයි වික්ටෝරියා රජය දන්වා සිටින්නේ.
බලශක්ති ඉලක්ක වෙත ළගාවීම පහසු කරවීම සඳහා මෙම තීරණය ගත් බව ප්‍රාන්ත රජය අවධාරණය කරනවා.
ඔස්ටේ්‍රලියාවේ ගෘහස්ථ ගෑස් භාවිතය වැඩිම ප්‍රාන්තය වික්ටෝරියා වන අතර නිවාස අතුරින් සියයට 80 ක පමණ ගෑස් භාවිත කෙරෙනවා.
කෙසේවෙතත් ගෑස් භාවිතය නතර කර විදුලිය පමණක් භාවිත කිරීමෙන් වසරකට ඩොලර් 1,000 ක පමණ මුදලක් ඉතිරි කර ගැනීමට නිවැසියන්ට හැකිවනු ඇති බවටත් වික්ටෝරියා ප්‍රාන්ත රජය අනාවැකි පළකරනවා.
