වසර 56 කට පසු ඔස්ට්‍රේලියාවේ මුදල් නෝට්ටු සහ කාසි භාවිතය පහළට

1966 වසරේදී ඔස්ට්‍රේලියාවට ඩොලර් සහ සත හඳුන්වාදීමෙන් පසු පළමුවරට මුදල් නෝට්ටු සහ කාසි භාවිතය පහළ ගිය පළමු වසර බවට පසුගිය වසර (2022) පත්වී තිබෙනවා.

ෆෙඩරල් සංචිත බැංකු වාර්තා අනුව 2021 වසරට වඩා 2022 වසරේදී ඩොලර් බිලියනයකට ආසන්න මුදලක් සංසරණයෙන් ඉවත්වී ඇති බව සඳහන්.

මෙය ඔස්ට්‍රේලියාව මුදල් නෝට්ටු හෝ කාසි භාවිතයෙන් ඉවත්ව ඩිජිටල් මුදල් භාවිතයට යොමුවීමේ යහපත් ප්‍රවණතාවයක් බවයි ආර්ථික විශ්ලේෂකයන් පෙන්වා දෙන්නේ.

දැනට රට තුළ සංසරණය වන මුලු මුදල් ප්‍රමාණය ඩොලර් බිලියන 101.3 ක් ලෙස තක්සේරු කර තිබෙනවා.

කෙසේවෙතත් ඩොලර් 05 – 20 සහ 50 යන නෝට්ටු වර්ග 03 ම භාවිතයේ කැපී පෙනෙන අඩුවක් දක්නට ලැබෙන බවයි ෆෙඩරල් සංචිත බැංකු වාර්තා පෙන්වා දෙන්නේ.

මුදල් නෝට්ටු සම්බන්ධ ගණුදෙනුවලින් ක්‍රම ක්‍රමයෙන් ඈත්වීමටද ඔස්ට්‍රේලියාවේ බැංකු කිහිපයක් මේ වනවිටත් පියවර ගනිමින් සිටින අතර 2030 වසර වනවිට චෙක්පත් භාවිතය මුලුමණින්ම අත්හිටුවීමටද ෆෙඩරල් රජය තීරණය කර අවසන්.

ඔස්ට්‍රේලියානු ළමයින්ට සමාජ මාධ්‍ය භාවිතා කරන්න බැරිවෙන ලකුණු

මෙරට සමාජ මාධ්‍ය භාවිතය සඳහා වයස් සීමාවන් බලපැවැත්වෙන නව ක්‍රියාමාර්ග හඳුන්වා දෙන්නැයි සිදු කෙරෙන ඉල්ලීම් වැඩි වෙමින් ඇතැයි වාර්තා වනවා.

Read More »

ශ්‍රී ලංකා ජනපති සහ ඉලෝන් මස්ක් අතර හමුවක්

ඉන්දුනීසියාවේ නිල සංචාරයක නිරත ශ්‍රී ලංකා ජනාධිපති රනිල් වික්‍රමසිංහ ලොව ප්‍රධාන පෙළේ ධනවතෙක් ලෙස සැලකෙන ටෙස්ලා සමාගමේ ප්‍රධාන විධායක නිලධාරී මෙන්ම ට්විටර් සමාගමේ හිමිකරු වන ඉලෝන් මස්ක් හමුවී තිබෙනවා.

Read More »

සිඩ්නිහි තවත් පිහි ඇනුමකින් පොලිස් නිලධාරියෙක් රෝහලේ

සිඩ්නි නුවර සීබීඩීහි එලිසබෙත් වීදියේ දී පොලිස් නිලධාරියකුගේ හිසට පිහියෙන් ඇන බරපතල තුවාල සිදු කිරීමට සම්බන්ධ පුද්ගලයකු අත්අඩංගුවට ගෙන තිබෙනවා.

Read More »