කොවිඩ් සමයේ පූර්ව දැනුවත් කිරීමකින් තොරව ලොක්ඩවුන් කෙරුණු මෙල්බන් හි නිවාස සංකීර්ණ කිහිපයක පදිංචිකරුවන්ට හිමිවන වන්දි මුදල් ප්‍රකාශයට පත්කර තිබෙනවා.
ඒ අනුව වැඩිහිටියෙකුට ඩොලර් 2,200 ක් සහ ළමයෙකුට ඩොලර් 1,130 ක් බැගින් වන්දි ලබාදෙන බවයි ප්‍රාන්ත රජය විසින් අධිකරණයේදී පොරොන්දු වී ඇත්තේ.
උතුරු මෙල්බන් සහ ෆ්ලෙමින්ග්ටන් ප්‍රදේශවල නිවාස සංකීර්ණ 09 ක සිටින වැඩිහිටියන් 1,800 ක් සහ ළමුන් 750 ක් පමණ 2020 වසරේ ජූලි 04 වනදා සිට 18 වනදා දක්වා දින 14 ක් බලහත්කාරයෙන් රඳවා ගෙන සිටි බවටයි ප්‍රාන්ත රජයට චෝදනා එල්ල වන්නේ.
ඒ අනුව ඔවුන් විසින් පවරන ලද නඩුවක් සමථයකට පත්කර ගැනීම සඳහා ඩොලර් මිලියන 5 ක වන්දි මුදලක් ලබාදීමට වික්ටෝරියා රජය මෙම වසර මුළදී එකගතාවය පළකරනු ලැබුවා.
අධිකරණයේදී අදාළ පදිංචිකරුවන් විසින් පවසා තිබුණේ තමන් කිසියම් අයුරකින් පිටත්ව යාමට තැත්කළහොත් ශාරීරිකව හිංසනයට ලක් කරන බවට වික්ටෝරියා පොලිසිය විසින් අනතුරු අගවා තිබූ බවයි.
