Northern Territory අපරාධ අවම වයස අගෝස්තු 01 සිට අවුරුදු 12 දක්වා ඉහළට

Northern Territory ප්‍රාන්තයේ අපරාධ සඳහා වගකිව යුතු අවම වයස අවුරුදු 12 දක්වා ඉහළ දමා තිබෙනවා.

ලබන අගෝස්තු පළමුවනදා සිට එය බලාත්මක කෙරෙන බවයි ප්‍රාන්ත රජය නිවේදනය කලේ.

මේ අනුව එදින වනවිට රැඳවුම් කඳවුරුවල සිටින අවුරුදු 10 ත් 12 ත් අතර වන ළමුන් වහා නිදහස් කෙරෙන අතර ඔවුන් මනෝ චිකිත්සක ප්‍රතිකාර සඳහා යොමු කිරීමට නියමිතයි.

අපරාධ සඳහා වගකිව යුතු අවම වයස අවුරුදු 10 න් ඉහළ දැමූ පළමු ප්‍රාන්තය බවට පසුගිය වසරේ නොවැම්බර් මාසයේදී Northern Territory පත්වුණේ ඊට අදාළ නීති ප්‍රාන්ත පාර්ලිමේන්තුවේදී සම්මත කරගැනීමත් සමගයි.

කෙසේවෙතත් එය ප්‍රායෝගිකව ක්‍රියාත්මක කිරීම සඳහා ඔවුන්ට මාස 08 කට වැඩි කාලයක් ගතවුණා.

අපරාධ සඳහා වගකිව යුතු අවම වයස අවුරුදු 10 සිට 12 දක්වා ඉහළ දමා ප්‍රායෝගිකව ක්‍රියාත්මක කිරීම ආරම්භ කල පළමු ප්‍රාන්තය වන්නේ වික්ටෝරියා ප්‍රාන්තයයි.

මේ අතර ළමා අයිතිවාසිකම් පිළිබඳ හඩ නගන සංවිධාන රැසක ඉල්ලීම වන්නේ අපරාධ සඳහා වගකිවයුතු අවම වයස අවුරුදු 14 දක්වා ඉහළ දැමිය යුතු බවයි.

මරණ ගණන වත් තවම නොදන්න අසල්වැසියාගේ ව්‍යසනය

පැපුවා නිව්ගිනි රාජ්‍යයේ නාය යෑමේ ව්‍යසනයෙන් පසු 4,000ක පමණ පිරිසකට ආහාර, ජලය සහ නවාතැන් ඇතුලු ආධාර අවශ්‍ය බව මානුෂීය සහන සංවිධාන පවසනවා.

Read More »

මුහුදේ ඉන්න මසුන් ඔස්ට්‍රේලියාව පළමු තැනට රැගෙන එයි

ලොව පුරා මුහුදු තීරයන්වලට සාපේක්ෂව ඔස්ට්‍රේලියාව අවට මුහුදු කලාපයේ මත්ස්‍ය විශේෂ වැඩි ප්‍රමාණයක් ජීවත්වන බවට නවතම සමීක්ෂණ මගින් අනාවරණ වී තිබෙනවා.

Read More »

හොබාර්ට්හි පාසල් අසල සුදු වෑන් භීතිකාවක්

ටස්මේනියා ප්‍රාන්තයේ හොබාර්ට්හි ප්‍රාථමික පාසල් සිසුන්ට සුදු පැහැති වෑන් රථයකින් පැමිණ පැණි රස කෑම වර්ග ලබා දෙන පුද්ගලයෙකු සම්බන්ධයෙන් ආරක්ෂක අංශ විමර්ශනයක් ආරම්භ කර තිබෙනවා.

Read More »