දියර කිරි සැපයුම් ජාලයක හිමිකාරීත්වය ගැනීමට උත්සාහ කිරීම සම්බන්ධයෙන් Coles සුපිරි වෙළඳ ජාලයට චෝදනා එල්ල වනවා.
එමගින් වෙළඳපොලේ දියර කිරි මිල පාලනයට ඔවුන්ට වැඩි බලතල පැවරෙන බවටයි කිරි ගොවීන් මෙන්ම ඔස්ටේ්‍රලියානු පාරිභෝගික කොමිසමද අවධාරණය කරන්නේ.
වික්ටෝරියා සහ නිවු සවුත් වේල්ස් හි පිහිටා ඇති කිරි සැකසුම් මධ්‍යස්ථාන 02 ක් ඩොලර් මිලියන 105 ක මුදලකට මිළදී ගැනීමටයි Coles උත්සාහ දරමින් සිටින්නේ.
වසරකට මේ හරහා දියර කිරි ලීටර් මිලියන 225 ක් පමණ නිෂ්පාදනය කල හැකි බවද සඳහන්.
සෙසු තරගකාරී ආයතනවලට සාපේක්ෂව Coles විසින් කිරි ගොවීන් සඳහා ඉහළ මිළ ගණන් ගෙවන බැවින් බොහෝ පිරිසක් ඔවුන් වෙත නැඹුරු වී ඇති බවටද අනාවරණය වනවා.
